Ti Ayat Ti Maysa Nga Ubing

Ti ayat ti maysa nga ubing,
Nasamsam-it ngem hasmin
Kasla sabong nga apag-ukrad
Iti bulan ti Abril

Ti ayat ti maysa a lakay,
Aglalo no agkabaw,
Napait, napait, napait a makasubkar.

Anansa a tao lelong,
Agsapulka tay balo
A kapadpad ta ubanmo
Ken dayta tuppolmo
Ta bay-am a panunuten
Ti ayat ti maysa nga ubing
Aglalo, aglalo no addan makin-aywanen

Ti ayat ti maysa nga ubing,
Nasamsam-it ngem hasmin
Kasla sabong nga apag-ukrad
Iti bulan ti Abril.

Ti ayat ti maysa a lakay,
Aglalo no agkabaw,
Napait, napait, napait a makasubkar.

Anansa a tao lelong,
Agsapulka tay balo
A kapadpad ta ubanmo
Ken dayta tuppolmo
Ta bay-am a panunuten
Ti ayat ti maysa nga ubing
Aglalo, aglalo no addan makin-aywanen
Aglalo, aglalo no addan makin-aywanen