Sangapulo Ket Innem A Tawen

Sangapulo Ket Innem A Tawen
(Avelino Bautista)
Sung by Vhen Bautista

Pudno a mapaisemak no maipalagip kaniak
Innem tawenko idi rugiak agensayo agkantaak
Iti rabaw bukot ti nuang iti innak pagpaspastoran
Uni ti tumatayab isudat' orkestrak

Mil nueve sientos noventa di damok ti agiplaka
Ket naluktan ngad' ti telon ti napilik a lubong
Rimmanniag dagiti silaw napnoan maris ti aglawlaw
Makatitileng a palakpak isuda't mangmangngegak

Chorus
Anian a nagpardasen ti sangapulo ket innem a tawen
Kasman apagdarikmat laeng a nagtulid ti panawen
Anian a nagsam-iten dagidi aldaw no innak lagipen
No mabalin koma maulit manen
Ti sangapulo ket innem a tawen
Ti sangapulo ket innem a tawen

Pudno a diak bimmaknang ngem naruay ti papagayam
Nasarakak pay kaingungot pagwadan a kapungan
Dua a bunga inyegda't ragsak nga awan umartap
Dagitoy ti tropeok a liwliwa daytoy pusok

repeat chorus 2x