Pasaload

Nanipod idi naam ammuak
saan gayam a sisiak
Ti nangidaton ti ayat ken agrayo ta imnas
ngem ti pakaatiwak
adu iti nakaudyak
isu nga inkarigatak tapno makagatangak

rinugiak ti nagurnong
ti igatangkot cellphone
tapno la kankanayon nga maitext ko toy lailok
imbes a pagmeryendak ipisok ko't alkansyak
pudno nga inkarigatak ta uray la nagka ulcerak

idin nakaurnongak dagus a gimmatangak
cellphone a rugak-rugak ngem pinagan anusak
naruay a buybuyak ti kati text nga inub-obrak
barbareng la kunak no siak to addaan gasat

bassit nga allowance ko nga itited ni inangko
Load ko ti iyununak ta isut pakaragsakak
maasasian payen ni amangko kaniak
adu kan ti gastoskon ngem dinak pay la naaklon

idin a napanunot ko a husto ni amangko
nasken a maamuakon no anya't pangeddengmo
gapu ti ayatko a daras ti reply mo
inpasaload ko bassit payen a balance ko

anian a nagkas-ang idin nga innak naamuan
ka textmeyt mo gayam ti inkan sinungbatan
anyan nga ulpit mo ken pananginsulto
daydi pasaloadko ti nangsungbat mo ti karibalko