Keanu Ven

Keanu Ven
(Avelino N. Bautista)

Dimi a ninamnama a sumangbayka't denna
Ta ti pudno dikam pay idi nakasagana
Ngem ti Dios impaaynaka kadakami a nasapsapa
Ket uray no kasta ragsakmi't nangawat kenka

Inkararagko idi a sapayta lalaki
Ta adda mangituloy ti nagtaudak a puli
Dinak pinaay dinegngegnak ti namarsua
Naipasngayka kinumpletom ti pamilia

Chorus
Keanu Ven, Keanu Ven
Kaibatogam ti samiweng
Makaikkat dagensen 'ta nasam-it nga isem
Dagita nabiag a mata no inka ida ikita
Kasla ibagbagada a ti biag napnoan namnama

Instrumental

Galadmo naumbi mangpunas bannogmi
Mannakigayyemka dika agpilpili
Ay nakaskasdaaw ta tunggal agsaoka
Dagiti balikasmo adda kaipapananda

Repeat chorus